Innri vöxtur til viðhalds hagvexti í Kína

Á þeim fundum sem ég hef átt hér undanfarna daga með kínverskum viðskiptamönnum og fulltrúm opinberra fyrirtækja er notalegt að finna þá samúð sem við Íslendingar eigum í Kína. Skilningur á aðhaldsleysi við fjármálastofnanir og forsvarsmenn fjármálafyrirtækjanna er ekki fyrir hendi. Hörð viðbrögð Breta eru sett í sögulegt samhengi fyrrum heimsveldis.

Kínverskir viðmælendur mínir gera alls ekki ráð fyrir að hagvöxtur muni dragast mikið saman í Kína þrátt fyrir almennan samdrátt í heimsverslun. Þvert á móti gera þeir ráð fyrir að Kínverjar munu einhenda sér í enn frekari uppbyggingu innanlands og tryggja þannig störf og hagvöxt. Innflutningur mun aukast og það mun eiga sér stað samdráttur í útflutningi vegna sterks gjaldmiðils og minnkandi eftirspurnar.

Íslensk fyrirtæki munu væntanlega geta nýtt sér þau sóknarfæri sem skapast.   

Kína gagnrýnir agaleysi

Skilningur í Kína og samúð með Íslendingum

Það er margt fleira í lagi hér en kreditkortin í Kína. Ég vil koma fram að við vinnu mína hér í Kína undanfarna daga hef ég hitt marga Kínverjar sem hafa upp til hópa lýst samúð og skilningi með okkur Íslendingum í þessum hremmingunum okkar. Kínverjar sem hafa gengið gegnum mikla erfiðleika svo sem öfluga jarðskjálfta, flóð, matvælaeitranir, samdrátt í efnhagslífinu en þrátt fyrir það náð að skipuleggja og halda frábæra Ólympíuleika sem dæmi sem og hefja mikla endurreisn sem að hluta stendur undir hagvexti þó dragi tímabundið úr útflutningi.

Evrópskur frændi okkar Brown sem setti hriðjuverkalög á íslensku þjóðina og frysti eignir má hafa í huga að mikið af þeim fjárfestingum Íslendinga sem gerðar voru í Bretlandi stóðu ekki undir útreiknaðri arðsemi. Miklir fjármunir sem fluttir voru frá Íslandi til Bretlands lentu hjá breskum bönkum og þegnum. Nú þegar hriðjuverkalögin eru í gildi er Brown hetjunni í lófa lagið að rannsaka hvert það fé var sent og hvort Bretar hafi jafnframt notið þess nokkuð. Hetjunni Brown ber skilda til að leggja fram haldbær rök fyrir gjörningum sínum sem hafa geysilega víðtæk áhrif fyrir okkur Íslendinga ofan á annað sem er í gangi. Við getum verið Bretum sár fyrir þessi "vinahót" hans sem snerta alla íslensku þjóðina en ekki einhverja örfáa. Okkur Íslendingum stendur ekki á sama um að sparifé fólks brenni upp vegna mistaka, hvorki í Bretlandi, Hollandi né nokkru öðru landi. Ísland er í þeim efnum ekki undanskilið. Ef um þjófnað er að ræða og jafnvel siðlaus svik ber að taka á slíku og þess er ég fullviss að allur almenningur á Íslandi fagnar slíkri rannsókn. Vonandi fer hún fram sem fyrst til að hreinsa nafn okkar. Benda má á að við þá rannsókn mikilmennisins Brown kemur væntanlega fram hvar erlendar eignir útrásarvíkinganna lentu ef þær eru þá einhverjar. 

Wouter Bos í Hollandi getur verið samferða í úttektarvinnu vinar okkar Brown.

Nú er bara fyrir okkur Íslendingar að standa þétt, bretta upp ermar, hreinsa draslið út, þrífa kofann, gæta þess að missa ekki mannauð úr landi í verkefni sem skila Íslandi engu og treysta ráðamönnum. Slíðra sverðin en halda þeim við. Spurningarnar og tímafrekar rannsóknir koma síðar. Nú er einfaldlega ekki rétti tíminn til þess bölsótast og sleikja sárin. Fullfrísku fólki er ekki vorkunn nema þá í örfáa daga sem eru liðnir.

Með vegabréfsáritun um öll lönd vegna góðra tengsla Íslands má ferðast hagkvæmt og vinna tekjuskapandi verkefni. Til þess ber okkur skilda að leita eftir slíku. Á Íslandi er duglegt fólk og aldrei áður hafa jafnmargir Íslendingar verið með haldgóða þekkingu í viðskiptum erlendis.

Engin kortavandamál í Kína