Erlend eignaraðild eða erlend aðkoma

Meðan verið er að vinna úr flækjunni er erlend eignaraðild að bönkunum óskinsamleg. Mikilvægt er aftur á móti að fá erlenda bankamenn með sterkt bakland til að leiða uppbyggingu og endurheimta traust erlendis. Að fá slíka einstaklinga til starfa væri ómetanlegur fengur að mínu mati. Það hefur löngum þótt skinsamlegt að fá ráðgjafa að rekstri fyrirtækja með sérfræðiþekkingu og traust meðan verið er að endurbyggja fyrirtæki sem hafa lent í erfiðleikum. Oftar en ekki tilnefna lánsfjárveitendur slíka aðila í samráði við eigendur. Það þarf ekki að taka slíkt persónulega.


mbl.is Erlendir vilja eiga banka
Tilkynna um óviðeigandi tengingu við frétt

Sammál Þór og tökum skref

Við erum ekki hokin þjóð. Við erum tímabundið rúin trausti vina og vandamanna erlendis vegna hegðunar sem á sér ekki fordæmi. Hvernig endurvinnum við það traust? Er ekki fyrsta skrefið að bjóða til dæmis þeim löndum sem verst urðu úti í viðskiptum við okkur að senda fulltrúa og við ráðum þá sem bankaráðsfulltrúa í nýju bankana til að sýna fram á að hér sé allt með felldu. Fagmenn sem geta leitt okkur aftur að borði alþjóðasamfélagsins og skapað traust hjá erlendum stofnunum. Stofnunum sem við getum ekki án verið í samfélagi þjóðanna.
mbl.is Formaður SA: Þurfum skipstjórn sem segir okkur hvert við stefnum
Tilkynna um óviðeigandi tengingu við frétt

Eðlileg krafa lánsfjárveitenda

Þegar við Íslendingar skrifum undir alþjóðasamninga verður að hafa eitt algjörlega á hreinu. Okkar skyldur eru á okkar ábyrgð. FME, Seðlabankinn og ríkisstjórnir eru þær stofnanir sem erlend ríki líta á sem lögmæta fulltrúa landsins. Leikaraskapur, útúrsnúningar, leit að lagafléttum og reyna að vera sniðugasti strákurinn í bekknum eru ekki samskiptaform sem tekið er mark á þegar alvarleg vandamál koma upp. Samningarnir komu Íslendingum vel. Skapaði umhverfi fyrir banka, peningamenn, forsetann sem og aðrar stofnanir samfélagsins til að valsa um víðan völl og telja fyrst og fremst sjálfum sér trú um innsýn, yfirsýn og hæfileika til að búa til peninga úr væntingum. Eitthvað sem engri þjóð hefur tekist fram til þessa. Greiða yfirverð fyrir nær allar fjárfestingar með erlendu lánsfé sem ekki var vitað hverning yrði endurfjarmagnað. 

Í dag ber Íslandi skylda til að standa við samninga sem voru gerðir af kosnum fulltrúum þjóðarinnar. Það er fyrsta skrefið. Við komast hjól atvinnulífsins og samfélagsins á snúning. Næsta skref er svo að hreinsa út í þeim eftirlitsstofnunum sem fóru fyrir aðgerðarleysi sem sigldi þóðarskútunni á sker. Skiptir þar litlu úr því sem komið er hvort um siðspillta sérhagsmunasinna eða minna vel gefna einstaklinga er að ræða sem ekki skildu hlutverk sitt. Það er skylda hvers stjórmálaflokks að taka til hjá sér. Vandamál Íslands í dag tengist ekki því hvar í flokki menn standa. Vandamálið er risið langt út fyrir þann lúxus að flokkast undir skoðanaskipti á vinstri og hægri væng samfélagsins. Hver og einn stjórnmálamaður og embættismaður verður að líta í eigin barm og gera sér grein fyrir hvað hann gerði og hver hans ábyrgð er. Taka pokann sjálfur eða bíða þar til þjóðarhreyfingin sem er að myndast um þetta vandamál aðstoðar við að pakka niður. 

Enginn mælir með aðferðum eins og þeim sem Bretar beita okkur Íslendinga í dag. Þær má þó skilja í ljósi þess að það ríkir fullkomið vantraust erlendis til fulltrúa þjóðarinnar ekki almennra Íslendinga.


mbl.is Samningar um Icesave eina leiðin
Tilkynna um óviðeigandi tengingu við frétt

Góðan daginn

Mér dettur ekki í hug að viðkomandi starfsmenn bankanna hafi ekki vitað hvað þeir voru að gera frekar en sauðsvartur almúginn sem lánaði fé til þessarra stofnana.

Eðlilegt er að ef skuldajöfnun eða skulda uppgjör á sér stað að það gangi jafnt yfir alla. Varla kemur afsökun til greina um að erfitt sé að manna bankana með fjárhættuspilurum? jafnvel þó titillinn sé - ...........flottur.


mbl.is Lykilmenn skulduðu 80 milljarða króna
Tilkynna um óviðeigandi tengingu við frétt

Toppurinn á klakanum

Til hamingju Pétur,

Ertu hissa? Það verður svo athyglisvert að skoða hverning fyrrverandi forstjórar sem viku sæti eftir að hafa náð að sigla skpunum ekki í strand heldur upp í matjurtargarða landsmanna veðjuðu með aðstoð bankanna á að gengi bréfa í félögunum sem þeir yfirgáfu mundu hríðfalla. Bankarnir tóku stöðu með þeim. Þeir stukku á þurrt og flugu í sólina.

Ég þarf að fara að læra lagið hennar Silvíu Nótt.


mbl.is Árás á fullveldi þjóðarinnar
Tilkynna um óviðeigandi tengingu við frétt

Sammála Jóni um að hægt sé að borga skuldir

Að kaupa bílskúr, selja ömmu sinni hann sem 3 herbergja íbúð, kaupa hann aftur og fá fjármagnaðan sem einýlishús er viðskiptalist og útrás með Hr. Forseta ORG í fararbroddi á Íslandi. Erlendis flokkast þetta undir hreint kjaftæði.

Baugur er stór hluti skuldar þjóðarinnar og það að við Íslendingar eigum möguleika á að eitthvað af þessu verslunum muni í framtíðinni skila gjaldeyri hefur ekkert með Jón Ásgeir og Gunnar að gera. 

Hreinsum borðið og setjum verkfræðinga og bestu viðskiptafræingana landsins í að halda skuldunum á floti. Ekki 101 skútunni. 

 

 


mbl.is Baugur getur staðið veðrið af sér
Tilkynna um óviðeigandi tengingu við frétt

Sammála Gylfa

það verður að koma í veg fyrir að fólk lendi á götunni, börn flosni upp úr vinahóp og skóla

það verður að standa vörð um að bankarnir heimskist ekki í kjöfar fyrirrennara

Það verður að standa vörð um samfélagið 

Í dag er samfélagið okkar sjúklingur og að honum ber að hlúa. Rýrður trausti erlendis sem og innanlands. Einbeitum okkur að kjarna málsins. Fjölskydur munu axla ábyrgð útrársarinnar. Stöndum vörð um þær. Tryggjum að þær geti verið áfram á sínu heimili. samfélagslegur kostnaður af því er lítll miðað við það umrót sem verður ef margir flosna upp. 


mbl.is Staðan ekki alvarlegri síðan í móðuharðindunum
Tilkynna um óviðeigandi tengingu við frétt

Framsókn

Guðni, það er öllu landslýð ljóst nema þér að þú átt ekki að taka þér orð í munn nema þegar á þig yrt. Framsókn lagði heilbrigðan grunn að stöðu heimilanna í dag, húsnæðislánum sem gengu allt of langt, IFM kröfum, vöxtum, verðbólgu og fleiru sem keyrði þjóðfélag okkar Íslendinga í þrot.

Í dag hitti ég nokkra förunauta Blankendal forsætisráðherra Hollands hér á ferð í Kína og það var stutt og skýrt. Eggert. Elítan á Íslandi þ.e.a.s. forsrsvarsmenn samfélagsins sviku landið ykkar. Þeir voru meðvitaðir og gerðu ekki neitt.

Vinsamlega einbeittu þér að uppbyggingunni og axlaðu ábyrgð. Spara okkur þetta blaður og tímaeyðslu.


mbl.is Alþingi niðurlægt af ráðherra
Tilkynna um óviðeigandi tengingu við frétt

Mikill innri hagvöxtur framundan í Kína

Næstu árin mun innri hagvöxtur taka höggið af minnkandi útflutningi Kínverja.

Nú er 1.300.000.000 góðar ástæður fyrir íslensk fyrirtæki að nýta vaxandi innri markað og hefja tekjuskapandi útflutning til Kína og Asíu á verðmætum sjávarafurðum og þekkingu. Ísland nýtur almennt mikillar góðvildar hér.


mbl.is Dregur úr hagvexti í Kína
Tilkynna um óviðeigandi tengingu við frétt

Háttvirtur stjórnmálamaður

Það er merkilegt að ykkur stjórmálamönnum dettur það eitt í hug að ganga bónliða um lán til að binda börn þessa lands í klafa, losa ykkur við auðlindir og tryggja þingmanna ellilífeyrinn góða.

Mín tillaga er að snúa vörn í sókn. Tryggja að þau ágætu sóknarfæri glatist nú ekki öll sem eru fyrir hendi sem íslenskir fjárfestar keyptu og bankarnir þ.e.a.s þjóðin á í dag. Nefna má einingar í Baug, Eimskip og fl. fyrirtækjum. Ekki brunaútsölu. Göngum bónleið um lán til vina og tryggjum eignirnar. Ekkert volæði. Gangið bónleiðina til að tryggja tekjur til samfélagsins en ekki bónleiðina til að gefast upp.

Leitum starfsfólks og vel menntaðs fólks til þess að reka þessa starfsemi. Fáið lán hjá Rússunum til að græða á Bretum og öðrum ágætum frændum okkar. Veð okkar eru bestur verslanir Tjallans. Auðvitað fer sumt. Við því er ekkert að gera. Þann skell verðum við að taka. Bændur slátra ekki síðustu beljunni upp í skuld.

Bretarnir hætta ekki að versla í Debenams og HoF. Tryggjum að einhverju leiti niðurgreiðslu skulda hjá Icesave. Tvöföld ánægja við að versla fallega flík og greiða um leið niður skuldina fyrir Tjallann. Gerum skuldir Baugs sem og fl. fyrirtækja að þjóðarauð, ekki bara hreinu tapi. Væri ekki ágætt að treysta einhverju af þessu ágæta fólki sem var og er vel menntað til að stýra þessum eignum fyrir hönd bankanna og koma þannig hluta þeirra sem tengdust fyrirtækjum og bönkum erlendis í vinnu á vegum þjóðarinnar við að skila tekjum heim. Það væri nær en að gefast svona upp. Ef Green eða Trölli geta neytt okkur í brunaútsölu stendur sjávarútvegurinn, raforkan og lopapeysur ekki undir því láni sem IMF veitir. Það þarf að afla tekna erlendis fyrir þeim skuldum sem búið er að koma okkur í.

Gangi ykkur vel og það væri örugglega gleðiefni hverjum Íslending að stjórnmálamenn gæfu þjóðinni sem á að axla þessa ábyrgð tækifæri til að gera sér mat úr útrásinni. Það liggur mikill auður í þeirri vinnu sem hefur verið unnin þó nokkuð nýfrjáls hafi verið.  Nýtið ykkur þekkingu á stofnunum og samstarfsvilja vinaþjóða. Farðu til Noregs og fáðu lán til að tryggja tekjur. Fyrir Brown er þetta bara viðskipti - ekkert pesónulegt. Þetta eru eignir sem margir vilja. Við eigum þessar eignir í dag og þær munu hækka. 


mbl.is Steingrímur J: Biðlar til norskra stjórnvalda
Tilkynna um óviðeigandi tengingu við frétt

Næsta síða »

Um bloggið

Eggert Kjartansson

Höfundur

Eggert Kjartansson
Eggert Kjartansson
Áhugamaður um samfélag þjóðanna og þá sérlega það sem þeim er ekki sameiginlegt
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (29.3.): 0
  • Sl. sólarhring:
  • Sl. viku: 1
  • Frá upphafi: 0

Annað

  • Innlit í dag: 0
  • Innlit sl. viku: 1
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband